TUKO WAPI ?

TUKO  WAPI ?  Mazingira  yale    yale   yanazua   swali    kwetu. Bila   kujali   tunapogeukia , bado  tuna  swali  la  kujibu   na    kwa   jibu   lolote   tutakalotoa, bado   kuna   HOFU   katika    mioyo   yetu.

       TATIZO    lenyewe     ni     zaidi   ya  ile   la     kisiasa. Ni   tatizo    la    KIMAADILI   na    KIROHO. Haliwezi   kutatuliwa   na  mtu    yeyote    Yule.

        Hali    ya   MAISHA   inatutaka   TUSONGE  MBELE.  Je,  tutapata   USHINDI ?  Vipi ,  kila   mmoja   wetu   akiwa   peke   yake  au   ni   kama   jamii   au    ni   watu      walioungana     KUELEKEA   MAISHA  YA UTAJIRI   au    kuteleza    kwenye   lindi   la    KUSHINDWA?

      KIPI   NI    SAHIHI ? Katika   ngazi   ya   taifa , jibu   letu     huenda     likapambwa   na   vishawishi    vya   KISIASA. Kama   mtu  binafsi , mawazo  yetu  juu   ya   suala    hilo     yataathiriwa   na   MATUMAINI   au    kukatishwa  tama   na  miundo    yetu   wenyewe.

       Hebu   tusahau   kwa   MUDA     mambo  makubwa    yanayohusu   MAISHA YA   KITAIFA   AU  KIMATAIFA , kisha tujiulize    wenyewe     maswali. Je, sisi  ni   kama   mtu   binafsi     anayesonga   mbele    kwa   KUJIAMINI  kuelekea     MAISHA   YA  KITAJIRI  NA   KIFAHARI ?

        Jibu   letu   kwa  swali   hilo    huweza   kutolewa     kwa    namna   mbalimbali. Wengine    wanaweza   kudhani   kwamba   hawawezi    KUVISHINDA  VIKWAZO. Dhana   hii     ina   nafasi   kubwa   zaidi   kuliko   watu   wengi    wanavyofahamu.

        MATATIZO   yanaweza    kumsukuma   mtu  chini , hali   dhamiri   yake    ikibamizwa   kwenye   uzito   wa  makosa   yake, Si   rahisi   kuelewa    kesho   inaweza   kuwa   siku   yenye    mafanikio   makubwa   au   inaweza    ikatukuta     tukiwa    tumetekwa ,  kwani    jibu    bado      halijaandikwa.

      HAIJAPANGWA   kuwa    TUTASHINDWA    au   TUTAFANIKIWA. Jibu   litapatikana   katika   MIOYO    yetu ,  katika  MATUMAINI     yetu ,  katika  IMANI  yetu   NA   KUJIPA   MOYO   na   katika     kujaribu   kufikia    KILELE   CHA   MAISHA.

     YOTE   yanatutegemea   SISI. Ni   maneno      matatu  tu   lakini   hayo  ndiyo      TEGEMEO   LA  HATIMA    YETU. Kitabu  kinachozungumzia   MAISHA  YA  BAADAYE   bado    hakijaandikwa. Leo    ndiyo    tunakiandika.  Hakuna  anayeweza   kusema   kuwa   sura  ya    mwisho   itakuwa   ipi .

      KAZI   YA   LEO   ndiyo     itakayotoa    MAFANIKIO   YA  KESHO ,  KUJITOA   MHANGA   kwa   leo    ndiko     kutakakotuthibitishia   ushindi     mkubwa  wa   kesho.  TULITAFAKARI   VIZURI   JAMBO   HILI. Ni  muhimu   kwa  FURAHA    yetu   na    kwa    ustawi    wa    jamii    na   taifa.

        Mnaonaje    kama   kila    mmmoja     atajiendeleza     mwenyewe    kwanza ?  MTAZAMO    WA   MAISHA  yetu      uwe   kwa  ajili    ya  wote     lakini     ukionesha    kiwango   cha  tabia    ya  mtu     binafsi.

     KADRI   WATU    WAZURI   walivyo    wengi   katika   jamii , ndivyo    maisha  ya  jamii   yatakavyozidi    kuwa    mazuri . Kadri   jamii    inavyozidi   kuwa   na  watu   wengi     wenye   BUSARA , ndivyo      wawakilishi     watakavyozidi   kuwa   na     BUSARA.

     MASHIRIKA     yote   ya     kijamii   lazima    yashughulikie    ustawi   wa      jamii. MASHIRIKA    lazima    yawanufaishe     watu    binafsi     na   si   watu   binafsi   kuyanufaisha    mashirika.

     CHOCHOTE   tunachokiwazia   kuhusu   MAISHA   YA   LEO   lazima   kiambatane    na    IMANI ,   lakini    IMANI   hiyo   izingatie     MAISHA  YA  MTU    KIROHO   NA  KIMWILI.

      Haiyumkiniki      tuna   upeo  gani   wa   kufikiri , ukweli   hubakia   kuwa   kwa  kiasi    kikubwa     tumeyatelekeza   mambo   ambayo     yanachangia   kuwa   katika   mazingira    mazuri  ya  kuishi. Ukweli   wetu   umetusababishia     maisha    yaliyokamilika , lakini   maisha   yetu   ya    KIROHO   yana   upungufu   na  hatuwezi       kujiendeleza   kiasi   cha    kuwiana   na  wakati.

     HICHO   ndicho    kilio   chetu.  TUJIULIZE   wenyewe   ni  kitu  gani    kinasababisha      TUSIRIDHIKE  NA  MAISHA.  Ni  wakati  wetu    sasa   wa   kuwa     WACHUNGUZI  WA  MAMBO ,   badala   ya    kuwa    watafutaji    tu , hatua  ambayo   inahitaji   kufanya    mambo   kwa    undani    zaidi    kuliko     kijuu  juu.

Asante  mdau    wangu  kwa   kusoma   MAKALA  haya , mshirikishe    mwenzako.

 

 

MAKALA   hii   imeandikwa   na    MWL.   JAPHET     MASATU   anapatikana  kwa    EMAIL:  japhetmasatu@yahoo.com.     MOBILE :   +255  716  924 136 .   WhatsApp  +255 755  400  128 .