MADOGO MADOGO YA KILA SIKU HUBOMOA AU KUJENGA NDOA.

Hakuna kitu kimoja peke yake kinaweza kuifanya ndoa yako kuwa bora. Bali mkusanyiko wa mambo madogo madogo ya kila siku ndiyo yanaweza kujenga au kubomoa ndoa. 

Hakuna mtu ambaye ameamka akajikuta na tabia ambayo anayo sasa katika ndoa yake. Tabia zote tulizonazo katika mahusiano yetu tumezitengeneza sisi wenyewe iwe ni tabia nzuri au mbaya bali sisi ndiyo wazazi wa tabia ambazo tunazo sasa.
Katika shabaha ya makala yetu ya leo tunakwenda kujifunza utii wa mgongo wa ndoa.

Uti wa mgongo wa ndoa yako ni heshima. Unapoheshimika heshimika.

Mwenzako anapowahi kurudi nyumbani hapo amekuheshimu. Heshima ni kitu cha bure wala hakihitaji mtaji.
Unapomheshimu mwenzako kwa yale mambo madogo naye anakuheshimu pia.
Leo ni vigelele kesho isiwe kelele.
Thamini kile anachofanya mwenzako, kwa kufanya hivyo unakuwa unamweshimu mwenzako.
Unapompenda mwenzako unakuwa unamweshimu. Hivyo kumpatia mwenzako upendo ni kumpa dozi ya heshima.
Ukiheshimiwa jiheshimu. Hapa unatakiwa kujiheshimu hata uvaaji wako, tembea yako ioneshe kama vile vile wewe ni mke au mume wa mtu.

Huwa tunajidharirisha sisi wenyewe kwa namna nyingi, unapokuwa mlevi kwa mfano, ukalewa mpaka kujikojolea hapo unapokuwa umemdharirisha mwenzako na kumvunjia heshima.
Unapomshirikisha mwenzako wa ndoa katika mipango yako hapo unakuwa una mweshimu na yeye atakuheshimu pia na kwa kukushirikisha mipango yake.

Unapomuaga mwenzako au kumjulisha kuwa leo utachelewa kufika nyumbani kwa kitendo Kama hiko hapo utakuwa unamweshimu mwenzako wa ndoa.
Nyumba zinaungua usiku mchana zinakuwa vizuri ni methali ya kihaya, hapo ina maana kwamba hata kama mnatofauti zenu mzimalize ndani na mkiwa nje muwe vizuri.
Hatua ya kuchukua leo; mweshimu sana mwenzako wa ndoa. Mpe dozi ya upendo na msikilizane kwa upendo na kuheshimiana kila siku.

Kwahiyo, hakuna kitu kidogo katika ndoa. Thamani yoyote unayoitoa kwa mwenzako inakuwa ni heshima na heshima inakuwa ni uti wa mgongo wa ndoa yako.

WATAKA SHERIA YA TALAKA KUFUTWA INDIA

 

Image copyright Reuters Image caption Ndoa nchini India 

Wanaume na wanawake 50,000 wamesaini azimio la kushinikiza serikali ya India kufutilia mbali sheria ya kutumia neno Talaq, mara tatu kwa misingi ya kuvunja ndoa.

Kwa sasa wanaume Waislamu wanaweza kuwataliki wake zao kwa kutamka neno hilo Talaq mara tatu. Mfumo huo umefutiliwa mbali katika mataifa mengi ya Kiislamu lakini ungali inakubaliki nchini India.

Kampeini ya kutaka sheria hiyo ya talaka maarufu talaq kwa kiislamu, kufutiliwa mbali, imepata uungwaji mkono nchini India.

Maelfu ya watu wanasaini azimio kuunga mkono kampeini hiyo inayoongozwa na shirika la kina mama nchini India la BMMA, ambalo limeandikia barua kwa shirika kuu la kutetea haki za kina mama likitaka sheria hiyo kufutiliwa mbali.

Shirika hilo limesema kuwa sheria hiyo imeharibu maisha ya kina mama wengi na watoto na mwaka wa 2015 lilitoa ripoti ambayo ilibainisha zaidi kesi mia moja kuhusiana na sheria hiyo iliowalishwa.

Azimo kama hilo pia liliwasilishwa mbele ya mahakama ya juu zaidi nchini humo na mama mmoja ambaye alitalakiwa na mumewe kupitia barua.

 CHANZO  CHA  TAARIFA : BBC  SWAHILI , 01  JUNI, 2016