MAHITAJI YA BINADAMU

KAMA  tukiangalia  jamii  kwa  ujumla   au   kila   mtu binafsi , jambo   kubwa  ambalo   linadhihirika  kwetu  katika  zama   hizi ,  ni  dhana  ya   maendeleo  ya  MALI   inayoambatana  na  kutoendelea   kwa   kiroho. Ni  hali   ambayo   ipo  wazi  sana.

   Kuna  sauti   nyingi   sana   zinazodai   kuwa   mwanadamu   ameendelea   sana  katika  Nyanja   ya   mali ,  na  bado   nguvu  anayoionesha   wakati    anapodhibiti    misingi   ambayo     imeelekezwa     kiusahihi , huweza   kubadilisha   maisha   yake   ya  ndani.

      Si    ufahamu   ambao   umeshindwa    kumwezesha   mwanadamu   kupata    USHINDI   wa   kimaisha. Kama  tunayachunguza    kwa  undani   mawazo    ya  zama   zetu , yanaonekana    kuzingatia   zaidi   CHAKULA , MALAZI, MAVAZI ,BURUDANI , FARAJA  na   USALAMA , pamoja   na  tabia   ya  kutojali   hata   kidogo “  na  ya “ kujijali    mwenyewe  tu “  na  dhana   ya    “  SHAURI   YAO   WOTE.”

        Mazoea    ya    kuzingatia   mali   tu   katika   maisha   ambayo    yamekithiri    sana   siku  hizi , ndiyo    yanayochangia   kiasi  kikubwa   matatizo   ya  watu   binafsi , KITAIFA   na  KIMATAIFA. DUNIA   ya    leo   imekumbwa   na   UBINAFSI , UCHOYO ,  KUTORIDHIKA   na    KUTOVUMILIA.

       HAKIKA , maisha    katika   ulimwengu   huu   mpya    huzua   matatizo  ya  aina    nyingi. Hakuna kinachoaminika. MATUKIO  huambatana   na    mwendo   wa  radi.  MAADILI   ya    kiubinadamu   mara   nyingi  hudharauliwa. UKOSEFU  WA   USALAMA    umetanda    kila   mahali.

      MAISHA    yamekuwa    magumu    kupita    mategemeo   ya  watu   wa    karne    iliyopita. Kama   suluhisho   litaweza    kupatikana   kwa   matatizo   yetu    ya   kutatanisha   na     kusumbua , ni lazima    tuzingatie   MAADILI   fulani   fulani   na   viwango   vya     KIROHO   katika   MAISHA.

   Mwanadamu    hawezi    kuishi   kwa  MKATE  tu , anahitaji    CHAKULA   CHA    KIROHO  ili   maisha    yake     ya    kiroho    yaweze     kustahimili    vikwazo    na  matatizo   ya    nyakati   hizi   mpya. Moja   ya    mahitaji   muhimu    ya   mwanadamu    ni    DINI   ya   namna    fulani , njia  ya    kutokea   mwelekeo  wa  KIROHO.

     MWANADAMU    ana   msukumo   unaomwelekeza    kutaka   kuabudu –ni    moja   ya    misukumo  muhimu   ambayo   anayo ,  hitaji    linalomtawala.

     Huwa   pia    na  msukumo    unaomfunga    KIROHO –kutoendelea   KIROHO    kunakoambatana   na    KUPENDA   MALI. Na   hiki   ndicho  kinachoonekana    kutokea   siku   hizi –kuhubiriwa   kwa   INJILI   isiyo   na    TOBA  ambayo   inazingatia   upatikanaji  wa   MALI  ambazo     zinasababisha      KUZOROTA   KIROHO.

      KATIKA  kusisitiza MAISHA  YA   KIROHO , kuna    mambo    mengine   ambayo    ni    lazima     yazingatiwe. ULIMWENGU  WA  LEO   unaonekana    kuwa  PARADISO    inayopotosha   watu   KIUCHUMI   ambayo   huwavuta  watu  wengi ,  dhana   ya  USALAMA  isiyo    sahihi.

      Lakini , ili  tuweze   kuendelea     kuwepo   kama   taifa    au  kufanikiwa    kila   mmoja    binafsi , ina   maana    lazima   yawepo    mapambano     makubwa   ya    KUJITOA   SANA ,  bila   kukata  tama.

        HUU   NI   UKWELI  ambao   ni  vigumu     kukabiliana  nao ,  hata  hivyo    unabaki  kuwa   ukweli   mtupu. Kwani   kuanzia      MTU    ANAPOZALIWA   HADI   KUINGIA    KABURINI , MAISHA    MAANA   YAKE   NI  MAPAMBANO   YASIYOKWISHA.  HII  SI   KWA   WANADAMU   PEKEE , BALI  PIA   KWA  MIMEA   NA  WANYAMA –KUANZIA   MBUMBUMBU  HADI   MWENYE   AKILI    SANA.

    Hakuna   kitu   kinachotembea    kinachoweza    kuepuka   mapambano   ya    kimaisha , wala    hakuna     kinachoepuka    mapambano  kinachoweza   kutembea.MAHALI    ambapo   misingi   ya  ndani    ya   kimaisha   inachangamka , bidii   na    kuhangaika   ndiyo   njia  nzuri   ya  maendeleo.

    Kama   ni  WANAWAKE   na  WANAUME  tu   watakubaliana   na  ukweli   huu , utawaletea   maisha   ya  kiutajiri   na   kutosheka   sana.  Lakini   kuna  wengi   ambao     bado   wanaamini   jambo   bila    sababu    yoyote.

       Hawajagundua    kuwa   matatizo    yanayotokea   miaka  hii    yanatoana   na   mazingira     yanayotaka   kuwaamsha     na  kuwainua    KIMAFANIKIO.

       Kuishi    kimafanikio   ni  kupambana ,  na   kila   anayepambana   sana   mara    nyingi   huwa  na    FURAHA   nyingi .  Tunaweza      tukawa    wapiganaji   au   tukawa    mstari   wa   nyuma     katika    mapambano ;  sifa   zetu   zinaweza  kuharibiwa   kwa    KUKATISHWA  TAMAA    au     KUPATA    MATUMAINI.  Uchaguzi  ni  wako   ndugu  yangu !

Asante   kwa   kusoma   makala  hii , mshirikishe  mwenzako !!

Makala  hii  imeandikwa   na    MWL.  JAPHET   MASATU  anapatikana  kwa  namba  + 255 716 924  136 /  WhatsApp  + 255  755 400128 ,  EMAIL ,  japhetmasatu@yahoo.com.