KIZAZI HIKI KIMEJAA MAHANGAIKO TELE.

Ni   kizazi  gani  hiki   kilichojaa   mahangaiko   kwani     tumekulia   katika   mazingira   yenye    vurugu   na    kizazi   kijacho    kinakabiliwa    na   hali    ngumu  ya   maisha !

    Kwani  kila  jambo   jipya    katika  MAISHA   limeongeza  uchovu   na   fadhaha   katika   MWILI, MAWAZO  na  ROHO. Kuongezeka  kwa    mwendo   wa  jinsi    ya     kufanya   mambo   mbalimbali    kumeongeza  HOFU , tunaomba    MUDA   wa   kufikiri   juu  ya   ghasia   za   sasa.

     Tungefurahi  sana    kama     tungepata   mahali   pa    kupumzikia   kando  ya  barabara  japo   kwa   muda   mfupi , lakini   hatujapapata   mahali   pa   namna  hiyo.

     Hatuna   hata  uhakika   kama  tupo   katika   njia   sahihi   lakini   tunasonga   mbele   kwa    ushujaa   huku    tukihitaji   unafuu  au   mapumziko    na   wengine   tukiondoa   matatizo   yaliyomo    mioyoni    mwetu.

     Tuna   msukumo   mkubwa   sana    wa   kuwa   katika  haraka.Ghasia   zipo   katika   damu   zetu   na  hali   hiyo   ni   tofauti   na  tabia   za  vizazi   vilivyopita    vilivyoishi    kwa   AMANI. Si    rahisi    kukiri   kwamba   kulikuwa   na   hali   hiyo    ama    maisha    ya   wakati   wao    yalikuwa    tofauti    na     ya   kwetu ,  lakini     tunawaonea    WIVU.

     Kuna  siku   saba  tu   katika   wiki   na    saa   24  kwa   siku. Tumebadilisha  mambo   mengi   sana    lakini    hatuwezi    kuzidisha   siku   wala    kurefusha    saa, bali   tunajiona   hatuna     muda    wa    kutosha.

         Katika   misukosuko   yote     hiyo      tunatafuta    kitu  fulani. Hatuna     uhakika    ni   kitu   gani     tunakitafuta ,  lakini   tuna   uhakika     kuwa   mahali   fulani   kuna , lakini   tuna    uhakika    kuwa    mahali   Fulani     kuna    jambo     litatupatia    faraja    kama    tungefahamu     mahali   pa  kukipata.

        Tunachojua    ni   kuwa    maisha    hayajakamilika      lakini     katika     kuhangaika    kwetu    na    kuharakisha     kwa    hatua    za    maisha   yetu   kunaambatana   na   haraka   ya   kukata    tamaa  ambayo    inatufanya   tuendelee   kutafuta   jambo    ambalo     tunafahamu   kuwa   tunapaswa    kumiliki.

     MAADILI   ya  zamani     hayathaminiwi  tena. Tunajikuta    tukiwa     tumenasa     kwenye    shughuli    ambazo   tukiwa     hatuna    shauku   nazo      huku     MUDA   ukipata     pasipo    na   jambo    la    kufanya.

     Tunakosa     KUSOMA    VITABU      vya     kutuwezesha    KUTAFAKARI  au    KUOANISHA     mambo     ambayo   wazazi    wetu      waliwahi   KUVISOMA   na    KUFAIDI. Tumechoka    kwa     kukaa     bila     kazi    na     kukosa   watu   wa    kuzungumza    nao     na  pale    tunapojaribu    kukaa   kimya ., tunajikuta   tukiwa    tumechanganyiwa           na      kujawa   na   hasira     kisha    kulazimika    kukimbilia     kufanya      jambo    ambalo    litatuangamiza   wenyewe.

      Hali   hii    inanifanya     nikumbuke    kisa  cha   mzee   mmoja   aliyetumia   siku  zake     katika    kona   ya   chemli    na   wakati    kijana    mmoja    alipomwuliza   alifanya    nini   siku   nzima , alijibu :  “   Vema , nakaa   hapa   na   kufikiri ,  na   wakati   mwingine    nakaa  tu   bila   kufanya   lolote.”

      MZEE   huyo  alikuwa    na   kicheko   cha   chinichini ambacho   wengi wetu   hatukijui. Tunapaswa    kujifunza    kuwa   WAPWEKE   na   FIKRA  zetu   na  wakati   mwingine   bila   fikra   zetu.

      Kuna mambo  ambayo   katika   maisha   yetu   ni    magumu    sana    kuyatamka.   Kuna   hali   ambayo    inabidi    kuifurahia   na  dhana   ambazo   husababisha    kufarahia   hasira.

       MAWAZO   na   MATENDO   ni   mambo   mawili   ya  sehemu   moja. Chukua    mambo   yote    mazuri    yaliyofanyika   siku   nzima ,  SAMEHE    MABAYA  yote     yaliyofanywa   kwetu   na    kuwasamehe    ndugu   na   rafiki   zetu   kwa   masumbufu    yote    waliyotusababishia.

    WENGI  WETU    hufikiria    kupata   MAFANIKIO     au   mambo   mazuri    kirahisi   rahisi  tu. TUTOE   KIPAUMBELE   kwenye   mambo   mazuri    yanayotokea   katika  siku.

     UZURI    huwepo   pia    katika   dunia  hii  ambayo   watu    wanakabiliwa    na  hali   ngumu   ya  maisha , hivyo     tuuabudu    uzuri ,  hali   tukiwa    hatukosi    KUFAHAMU      UBAYA   WA  UKWELI   katika    sehemu   nyingi   za   ulimwengu. Hii  ndiyo   itakuwa    nguvu    yetu   ya    kutuimarisha   mika    iliyosalia    katika    maisha  yetu.

 Asante  kwa   kusoma   MAKALA   hii ,  mshirikishe  mwenzako.

 

MAKALA  hii  imeandikwa  na    MWL.   JAPHET    MASATU , anapatikana  kwa  +255 716 914136 ,  WhatsApp + 255 755  400  128.  EMAIL : japhetmasatu@yahoo.mail.