TUKABILIANE NA UKWELI HUU , TAFADHALI !

             TUFANYE    KAZI   KWA   BIDII !    HAPA   KAZI  TU !

TUMEPATA  kusikia   mengi    katika   siku   zilizopita , na  bado   siku  hizi  tunasikia   

 taarifa   za   KUTOWAJIBIKA , ukosefu  wa   KUJITUMA  tabia   ya     kupenda    kitu   fulani    bila  kuwepo   umuhimu   kwa   upande  wa  watu   binafsi   na  makundi. Hili   linaweza   kuwa   tatizo  kubwa  sana ,  kwani   linaashiria   tabia   inayoweza   kuharibu   sifa   nzuri   ya  maisha    yetu.

        Kuongezeka  kwa  matukio  ya   tabia  hiyo   ni  dalili   kwamba  kuna   UOZO  katika   jamii    ambao   inabidi    tujaribu   kuchukua   kila   hatua  na   kuutokomeza     kabla    haujaathiri   MATUMAINI  yetu .

      Tabia   mbaya   hujitokeza   kwa   namna   nyingi. Kuna   tabia  ya   kutojali    mambo   ambayo   ni  muhimu  katika  jamii. RUSHWA ni  tatizo  kubwa   katika   sekta      nyingi   za  umma. Hali  hiyo  haipo   kwa  watu   wa   aina  au    umri   fulani  tu katika  jamii.

      UKOMBOZI   wetu ,  kitaifa, unategemea   uzalishaji   mkubwa  na   KUFANYA  KAZI  KWA  BIDII. 

           Kama   ilivyo  kauli  mbiu   ya  Chama  cha  Mapinduzi (CCM )  katika  uchaguzi  wa   Raisi , wabunge  na  madiwani mwaka  2015  inayosema ,  “  HAPA  KAZI  TU !  Ni   kweli  kabisa  “FANYA  KAZI  KWA  BIDII   PAMOJA  NA   UBUNIFU “  MABADILIKO  NI  LAZIMA !  Na  si   kinyume  na  hapo ! Hakuna  Mabadiliko     kama  KAZI  HAIFANYIKI  KWA  UFANISI . Akili  kichwani  mwako ndugu   yangu. TAFAKARI ! Kinachoanza  ni  KAZI  alafu   MABADILIKO    yanafuata.        Kwa  mtazamo  wa   kisayansi ,lazima  TUFANYE   KAZI  KWA  UFANISI. Simaanishi   lazima   iwe   kufanya  kazi   saa  nyingi    au   kama  mtumwa. Naamini  kwa   kutumia  njia   na    mbinu  nzuri , kuwa  na   MIPANGO    mizuri, pamoja  na   kuwa   na   ufanisi katika   UBUNIFU  na   uendeshaji  wa   SHUGHULI  ZA  WANADAMU.

           Utaratibu   mzuri   ni  kuwa    kila   mtu   lazima   AFANYE  KAZI  NZURI  na  kwa  matokeo   makubwa. Hii   haimaanishi   ni  kwa wafanyakazi  pekee , lakini  na   UONGOZI   pia   uwe   wa   KUJITUMA. Ni   kwa  kuchukua   hatua   hizo   tu   ndipo    tutakapoona   kuwa    MAISHA   yetu     yanakuwa  bora.

          Vinginevyo , kama  nchi  nzima   haitajitoa   kipekee   na    kudhamiria    KUFANYA   KAZI   KWA  BIDII , ndoto  yetu   ya   kuwa   na    maisha   mazuri   itabakia   kuwa   NDOTO.

            Yote   haya     yanatambulika   kwa   kufuata   kanuni. Hata   hivyo , kipi  ambacho   bado    tunakitafuta ? Ni   shauku   ya   kupata   MAFANIKIO  MAKUBWA , bila   kuwa    wazalishaji  wakubwa ? MOYO   wa   kutaka   KUPATA  KILA  KITU  BILA   KUTOA   KITU   NI  TABIA   YA   KUIKWEPA   NA    KUITOKOMEZA.

        Nataka   nieleweke  kwamba   siwalaumu   wazalishaji  wote   wa   nchi   hii. Ni  mbali   kabisa  na   hilo.Wala  sipendi   kuzungumzia  yale  yaliyokwisha      dhihirika  ambayo   sasa   tunatakiwa    kuyatokomeza   au  kuangalia   madhara   yake.

         Kwanini     hali  hii    imeshamiri   sana ? Kuna   majibu  mengi , lakini   nitayataja    mawili  tu.

        (a).Huenda   vita   vya   kiuchumi   vya   karne    mbili   na  nusu   za   mwanzo     vimeyumbisha  akili   za   wanaume   na  wanawake   na   kuharibu    malengo    ya   taifa.

        (b).Kumekuwepo  MITUME  na  MANABII   nchini   ambao   walikuwa  na   mawazo   potofu  kwamba   KAZI  haikuwa   muhimu   na   juhudi   hazikuhitajika   dunia  mpya   ambayo     ingepatikana    kwa      kulalama  tu.

      Yote  haya ,  huenda   yamechangia     kuharibu    uwezo   wa  watu   wengi   na     kudhoofisha   maamuzi     yao     kwa    kudidimiza   imani   zao    kwa   FALSAFA   YA   KUJITEGEMEA.

----Ni  SAIKOLOJIA   ya    mtu   binafsi    pekee   ambayo   inaweza  kufufua     moyo  wa   mapambano , ubunifu  wa   vitega   uchumi   na    kujishughulisha , hivyo  kuweza    kufufua    tena     uchumi   na   hali   nzuri  ya     maisha   kwa  jamii.

----MOYO    wa   kupenda   kazi   si     jambo    la    kulazimishwa.Ni    muhimu    kwa      mazuri  ya   mwanadamu.Husababisha    burudani   yake   iwe   ya  furaha   na   hutafuta    malengo   katika    maisha     yake.

----Inasikitisha  kuona   kwamba watu   WALEGEVU   na   wenye   tabia   ya  kulaumu  tu  hawajabadilishwa   kuwa  na  FALSAFA   YA   KUFANYA   KAZI.

 ----- Kama   nguvu   na    msukumo  mpya     vingetumika   kuwafanya   watu  wafanye KAZI , UOZO  ambao  upo   katika  jamii  ungetokomezwa ,ndipo  watu   wangekuwa    wepesi  kutoa   maamuzi.

----Ingawa  mabadiliko   hayo   hayawezi   kufanywa   kama  AJALI , yanaweza   kukamilishwa  kwa    kubadili   MTAZAMO. LAKINI  MAGEUZI   DAIMA   HUANZIA   KWA  MTU  BINAFSI.  Raisi  hawezi   kutumia    uchawi   na   kusema   “ haya  yatokee !” kama  wananchi  hawapendi   KUFANYA   KAZI   KWA  BIDII  NA  UFANISI.

             Kama   Taifa ,  lazima tupumue  hewa   ya  KUJIAMINI, kujenga  moyo  mpya  wa   KUFANYA  KAZI  ambao   utajengeka  kwa  watu  wote , ndipo   zama   mpya  yenye   MATUMAINI  itafunguliwa  kwa  wote .

     HONGERA   RAISI   WETU WA  AWAMU   YA  TANO ,  DR.  JOHN  POMBE   MAGUFULI  KWA  KUWA NA   KAULI  MBIU  ‘ HAPA  KAZI  TU “ TUNAFAHAMU  UTENDAJI  WAKO ! MUNGU   AKUBARIKI  SANA ! TUPO  PAMOJA .  WATANZANIA   TUFANYE  KAZI   KWA  BIDII  NA   UFANISI , TUMEKUWA   WAVIVU  SANA  NA WATU  WA    KULALAMIKA  SANA.

       MUNGU   AWABARIKI  WATANZANIA  TUJITAMBUE NA  TUFANYE  KAZI  KWA  BIDII.

 

 

 

Makala   hii  imeandikwa  na   MWL  JAPHET   MASATU ,  anapatikana  kwa  E—MAIL ,  Japhetmasatu@yahoo.com.  Mobile  no:  + 255  716 92  4136  WhatsApp + 255 755  400  128.