IKIFIKA MIAKA 40 KAMA " HUJAFANIKIWA " , BASI ---Mara nyingi ni Muda Wa Kupalilia Kilichopo.

KATIKA  maisha   ya  BINADAMU  ya  kila  siku  kuna   MATARAJIO , MIPANGO , KUKATA  TAMAA   na   KUJIPA  MOYO.   WATAALAM   WA   ELIMU   NAFSI   wanayagawa   MAISHA   YA   BINADAMU  katika  hatua   TANO  kuu    za  mabadiliko   ya   MTAZAMO  na  MATARAJIO.

         Katika   hatua   zote    hizo   kwa  mfano ,  kutoka  umri   wa   miaka   16   hadi  18 ,  18  hadi   23 , 23  hadi  28 ,  na   kuendelea , binadamu  hubadilika   katika  mambo   kadhaa ,  hadi   anapofikia   UMRI  WA  UZEE  NA  KUFARIKI.  Katika  hatua  hizi   zote   TANO , hatua   inayotajwa   kuwa   na  misukosuko   mingi   ni  ile   ya   KATIKATI , ambayo  ni  ya   umri  wa  mika   kati    ya   38  hadi   45.

      Licha   ya   kwamba   katika    umri    huu ,  na  hasa   kuanzia   miaka   35  mtu  huanza    kugundua  kwamba   anaelekea  UKINGONI    MWA   MAISHA  YAKE  hapa  ndipo   anapogundua   UHALISI   WA  KIFO. Ugunduzi   huu    wenye   kumfanya   ajione   kama     mwenye   muda  mfupi  wa   kuishi   humpa   shinikizo  la    kutaka   KUFANYA   MAMBO     MENGI   KWA  WAKATI  MMOJA. Hii  ikiwa   ni   kutafuta   MAFANIKIO  katika   shughuli   zake  za   kufikia   lengo     fulani    maishani. 

        MTAALAM   MWANASAIKOLOJIA ,  BWANA   DANIEL   LEVINSON   anabainisha  katika   utafiti  aliofanya ,  kwamba   katika   kipindi  hiki  Watu    hujali ,  kuzingatia   kujitambulisha    na  shughuli   zao , mahusiano  yao  na  wengine   na   kujali  sana  juu  yao   wenyewe (  kwa   kujiuliza ,  MIMI   NI  NANI  ?  NA  NIMEFUATA  NINI  DUNIANI  ? )

       Katika    kipindi  hiki  cha  umri  (  38---40 ) ,  kunakuwa  na   WASIWASI  KUKOSA   MSIMAMO  NA   UIMARA.

       Utafiti   wa   BWANA  LEVENSON    unaonyesha  kwamba, katika    UMRI  huu    wa  KATI    watu   wengi  huuona   au   kuuhesabu    kama  “  NAFASI  YA  MWISHO” , katika   kufikia    MALENGO   yao. Mara  kwa  mara   tumewasikia  watu  wakisema , “  KAMA   MIAKA   AROBAINI  HUJATENGENEZA  PESA ,  BASI  TENA “.  Ingawa  ni   maneno  ya   mzaha  , yana  ukweli   wa   aina   fulani   ndani.  ASILIMIA   75  ya  wale  ambao  hushindwa   kufikia   MALENGO  yao  katika   kipindi  cha   umri  huo ( 38---40 ) ,  huwa   hawayafikii  tena.

       MAFANIKIO   ambayo  tunayazungumzia  hapa  ni  yale    yenye   kuhesabiwa  kama   ufunguo   kwa  maendeleo   au   ustawi  wa  mtu. Kwa   mfano ,  mtu   kuwa  mkuu  kazini  kwake    kama  vile  UMENEJA , UHASIBU  MKUU, UHARIRI  MKUU , MBUNGE , mtu  kuanza   kuingiza  pato  fulani  ambalo   ni  kubwa ,  kupata   UPROFESA ,  UWAZIRI, MAFANIKIO  KAIKA  BIASHARA  na    nyingine  za  aina   hiyo.

      Kwa  watu  waliofanikiwa   kufikia     MALENGO  haya , maisha  katika  umri  huu  yanakuwa  na  kashkashi  ,vurugu  zake ,   lakini  yenye   KUCHUKULIKA  au   KUVUMILIKA. Hali   ikiwa    na  maana  kwamba  hata   kunapokuwa  na   MAFANIKIO ,  bado   umri   huu   unabaki  kuwa   wenye  mashaka. Baadhi    ya  waliofanikwa    kimapato   wanakuwa  bado   wanadhani   kwamba , pamoja  na  MAFANIKIO   hayo ,  shughuli   walizokuwa  au  wanazozifanya   siyo   kufu  yao, siyo   stahili   yao.

       Lakini   kwa  upande   mwingine ,  ni kwamba ,  katika   umri  huu   watu  hujenga   MATUMAINI   kwamba   huenda    maamuzi   waliyoyachukua   au    wanayoyachukua   kimaisha    ni  sahihi.  Hujawa  na    matuymaini  ya   MAFANIKIO. Kuna   kuridhika  kwamba   MATUMAINI  ya  awali   ya  MAFANIKIO   Fulani  ni   jambo   lisilowezekana.

   Mara   nyingi    inasemwa  kwamba  katika  umri  huu     kuna   ugumu   wa  mtu   kuweza    “  KUYARUDISHA   MAJESHI  NYUMA“    na  kuanza  kuanza    MAPAMBANO.  Ndiyo   maana   mtu   anapoporomoka    kimaendeleo  kwenye   umri   huu , anaweza   kufuatiwa  na  tabia   zenye     kuonyesha   KUKATA  TAMAA  kama  vile    ULEVI ,  UZINZI , UTUMIAJI  WA  MADAWA  YA  KULEVYA  na   nyingine  za  aina   hiyo.  Kwa  wale   ambao   wanaweza  kujaribu    kuzirekebisha  tabia   hizo  ,  inawachukua   zaidi  ya    miaka  10    kumudu   kufanya   hivyo.

     Ni  wazi     umeshashuhudia   watu  wengi   wa   umri  huu ,  ambao   baada   kuona  kwamba    WAMESHINDWA   KUFIKIA  MALENGO ,  huwa  wanatumia   maneno  kama , “    YA  NINI   KUHANGAIKA   SAA  HIZI , TUNATAFUTA  KULA   YETU  TU  BASI…….”  Hii  ikionyesha    kwamba     wanaamini  kuwa   baada  ya  umri  huo    endapo    mtu    HAKUFANIKIWA ,  ni  vigumu  kwa  mtu  huyo  kuweza    KUFANIKIWA   MAISHANI  mwake.  Pia  huonyesha  ni  jinsi   gani   katika   umri     huu  mtu   huwa   ANAUONA   UHALISI  WA  KIFO.

ANGALIZO: Jamii  yetu  mara  nyingi   hufikiri   ya  kwamba  UMRI   sahihi  wa  kupata “ MAFANIKIO”  au  “ KUUKATA”   kama  Waswahili  wanavyosema  ni  kati  ya   24  na   40  na  unapofikisha  UMRI  wa  miaka  50   MAFANIKIO  ndio  basi  tena , Kwaheri. ‘SI  KWELI   KABISA   NDUGU  YANGU “

TAMBUA  UKWELI  HUU :  MAFANIKIO  yanawezekana  katika  UMRI  wowote.  UMRI   si  kitu  bali  ni  numba  tu  ndugu  yangu    usikate  tamaa !  NI  DHAMBI  KUBWA SANA  MACHONI  MWA  MUNGU. Cha   msingi  unatakiwa   uwe   na   FIKRA  SAHIHI ( right   attitude /  positive  attitude )  na   siyo   FIKRA  MBOVU ( negative  attitude ).

MFANO:  Mark  Zuckerberg  alianzisha   mtandao  wa  FACEBOOK  mwaka   2004  akiwa  na  umri  wa  miaka  19  tu.  Ameleta mapinduzi  makubwa  katika  mawasiliano  kimtandao.Na  sasa  ni  tajiri  mkubwa .

     Baraka  Obama  raisi   wa   44   wa   MAREKANI ,  kabla  ya  kuwa  raisi  alikuwa  ni  mwandishi. Alipokuwa  na  umri  wa  miaka   43  aliandika  KITABU  ,  “ DREAMS  FROM   MY   FATHER “. Kitabu  hiki kilipendwa   sana  nchini   MAREKANI , kilimpatia  mamilioni  ya  shilingi  na  kuwa  tajiri   mkubwa.

     Nelson   Mandela    baada   ya   kutumikia  kifungo  kwa  miaka  27  katika  gereza   lililokuwepo   katika  kisiwa  cha  ROBBEN ,  CAPE   TOWN baadaye  alitoka  kifungoni na   kuwa  raisi  wa  AFRICA  KUSINI ,  akiwa  na  umri  wa  miaka    76.

      Namnukuu   mchezaji  maarufu  wa   mpira   wa miguu   wa  Ghana  ABEDI  AYEW  PELE , 

“  SUCCESS  IS   NOT  AN    ACCIDENT.   IT  IS   HARD  WORK , PERSEVERANCE ,LEARNING ,, STUDYING , SACRIFICE  AND  MOST  OF  ALL , LOVE  OF  WHAT   YOU   ARE  DOING  OR    LEARNING   TO   DO.”  (  Mafanikio   siyo  ajali. Ni  kufanya  kazi  kwa  bidii , kuwa  mvumilivu , kujifunza , kujitoa  kikweli  na  kubwa  zaidi  penda  unachofanya  au  unachojifunza ).

 Asante  mdau   wangu  kwa  kusoma   makala  hii  nzuri  ,  usisahau  kumshirikisha  mwenzako  na  endelea   kusoma   kila  siku  ili  ujifunze   katika  blogu  yako  hii  ya  kipekee.

   Mwandishi  wa  makala  hii  ni  MWL.  JAPHET   MASATU , ni  mwanafunzi  wa  CHUO  KIKUU  HURIA  TANZANIA ,  KINONDONI  REGIONAL  CENTRE ,(2015)  anapatikana  kwa   :   Call /  WhatsApp  + 255 755 400 128 /  +  255  716 924 136.  EMAIL:  japhetmasatu@yahoo.com.